VOV4.M’nông: Đah nau kan “năn nkoch trêng, năn rêng lam, năn tâm nthoi kan”, mom ndăm Gia Lai hŏ bonh đă geh âk nŭih kan kŏ kơt lah ndoh ndơ dŏng tâm ngih dak si ndrel ma ndơ sa kơl an ăp ntŭk nkhah rgum, ăp ntŭk njrăng-rdâng srê Covid-19 ndrel ƀon lan tâm nkuăl geh srê. Ntơm rnôk geh srê ntoh luh tal 4 tât rnôk aơ, ăp rmôt đoàn viên.

Druh ndăm n’gor Gia Lai hŏ bonh đă rgop geh rlau 9.800 ntrŭp măt njrăng mprănh, rlau 450 rbăn bok put mbung, ndơ dŏng dak si, dak si nkhĭt kman, ndrel âk ntil ndơ sa êng, rnoh dĭng lĕ rlau 3 rmen n’gul. Nau leo lor, kơl an bah mom ndăm Gia Lai rơh rlau aơ ndơn geh nau kơl an âk ngăn bah ăp nŭih geh nuih n’hâm lŏng nsum ty kơl an njrăng rdâng srê./.

Nŭih rblang: H’Thi