VOV4.M'nông: Tổng thư ký Liên hợp quốc Antonio Guterres an gĭt, aƀaơ njêng săk Omicron hŏ ntưp rêng lam châu lục n'hanh nău mpăng đêt rsong hăn mpeh bah dâng bah Châu Phi lah mô geh nău tâm ban n'hanh mô geh nău tam. Nău mbơh bah Tổng thư ký Liên Hợp Quốc dơi ndơ̆ luh tâm rnôk âk dak lam ntŭr neh hŏ mpăng đêt nuĭh ƀon lan sĭt bah dâng châu Phi lăp gŭ, lĕ ma Mỹ, ăp dak châu Âu n'hanh châu Á. Tổng thư ký Guterres lah rjăp, nău ngăn geh aƀaơ hŏ mpơl nău roh tâm ban geh vaccine mbra nta trong dơh gay kaman deh ăp njêng săk mhe ta nkual geh rnoh chuh n'gang đêt. Tâm ban ŭch đah nău mĭn dja, Kruanh Ủy ban Liên minh châu Phi Moussa Faki Mahamat lah rjăp, nău mpăng đêt rsong hăn đah du gâl bah châu Phi lah mô tâm di, mô tâm ban n'hanh mô geh ntŭk nsing khoa học./.

Nuĭh rblang: Điểu Thân