VOV4.M'nông: Nar 9/9 (tĭng mông ta ntŭk), du mpôl đă hăn kan bah mpôl jâng wăng sa nsum ăp dak Tây Phi (ECOWAS) tât Ghi-nê gay uănh năl nô nău lôch tahen rlơt tŭp Tổng thống Alpha Conde mhe aơ. Bah năp nê du nar, mpôl jâng wăng sa nsum ăp dak Tây Phi hŏ ƀư hop ndal n'hanh ndơ̆ luh nău n'glêh an rlu dak lăp kan nsum bah Ghi-nê, đăp mpôl tahen rlơt tŭp mplơ̆ tay nău dah rŏng an Tổng thống Alpha Conde n'hanh rdâk tay Hiến pháp. Yơn lah, mpôl dja mô ndơ̆ luh du nău rmal wăng sa đah Ghi-nê. Tĭng tơm nău lư ta nkual, đah hăn khâl Ghi-nê rơh dja, mpôl jâng wăng sa nsum ăp dak Tây Phi ŭch geh du hê kruanh rđău kan nuĭh ngăn "di ma nsing nơm" ta Ghi-nê lơn ma ơm lơn ma uĕh./.

Nuĭh rblang: Điểu Thân