VOV4.M'nông: Kêng măng 5/8, Mpôl hăn ôp uănh mbrô 143 bah Ban Bí thư tă bah wa Nguyễn Trọng Nghĩa, Bí thư Trung ương Đảng, Kruanh Ban Tuyên giáo Trung ương ƀư Kruanh mpôl leo hăn hŏ geh rơh pah kan đah Ban Thường vụ Đảng ủy Công an Trung ương. Nkô̆ hăn ôp uănh rgum tâm bar nkô̆ nău têh, nkre lah bar nkô̆ nău dŭt khlay tâm pah kan rdâk njêng Đảng, nê lah Nghị quyết Trung ương 4 (khóa XII) n'hanh Nău n'glêh an mbrô 08 mpeh nău dơn kan leo lor.

Jêng, ân mpư n'hao nuih n'hâm dơn kan, nău rlăch ndăng, nuih n'hâm uănh năl êng n'hanh rgâl di êng nău tih di săk nơm, gay ăp đảng bộ ma mpôl tât hăn pah kan kalơ nuih n'hâm, rgâl bah gưl bah lơ hăn ôp uănh jêng uănh năl êng săk nơm, ôp uănh êng lam tĭng đảng bộ, gưl ủy, lơn lah nuĭh mât bôk n'hanh thường vụ bah ăp gưl ủy. Kruanh Ban Tuyên giáo Trung ương Nguyễn Trọng Nghĩa nsing nơm, đah nău nsrôih, nău dơn kan dŭt têh, Đảng ủy Công an Trung ương n'hanh Mpôl hăn ôp uănh mbra tĭng ƀư nău kan đăp mpăn săk geh, rnoh ngăch, di nău way bah Đảng./.

Nuĭh rblang: Điểu Thân