VOV4.M’nông – Nar 8/4, lĕ rngôch nuĭh Mpôl kruanh đảng Dân chủ đồng hành (DP) djôt bôk ta Hàn Quốc lĕ du rơh dăn rlu kan gay dơn nău kan mpeh khuch khat bah đảng aơ tâm rơh săch ntop tay dŭt khlay mhe geh. Tĭng nĕ, lĕ rngôch Mpôl kruanh bah đảng djôt bôk ntrŭnh lôch ơm năm kan. Đảng djôt bôk Hàn Quốc mbra ntrôl ngăch nău săch ntoh măt mhe ta Quốc hội tâm pơh bah kơi n’hanh mbra ƀư Đại hội lam đảng tâm nar 2/5 gay săch Chính phủ mhe. Tĭng jêh kơp phiếu ôi 8/4, đảng Dân chủ đồng hành bah Tổng thống Hàn Quốc Moon Jae-in mô dăng hô tâm rơh săch ntop tay 21 nuĭh kruanh ta ntŭk nar 7/4, tâm nĕ geh gưl kruanh 2 nkual ƀon têh ngăn neh dak lah thủ đô Seoul n’hanh nkual ƀon têh ndâm dak lêng Bu-san. Lĕ 2 nuĭh kruanh nkual ƀon têh sĭt mpeh nuĭh săch bah đảng đối lập Sức mạnh Quốc dân.

Nŭih rblang: Y Sưng Phê Ja