VOV4.M’nông: Ntoh nau đah Báo chí jêh rnôk tâm mâp đah Kruanh rmôt kan tâm nchră nau kan ndrak nsiu Hàn Quốc Noh Kyu-duk, lơ 30/8 (tĭng mông dak nê), nŭih nchră nau kan mpeh Triều Tiên bah Mỹ wa Sung Kim mbơh, bar ding hŏ tâm nchră âk nau kan, tâm nê geh nau kan ndrak nsiu bah Triều Tiên kŏ kơt lah ăp nau kan kơl an nŭih. Kruanh rmôt kan tâm nchră nau bah Hàn Quốc rnôk aơ dôl ma geh rơh khâl Washington tĭng nau jă bah Mỹ. Wa Noh Kyu-duk mra geh rơh tâm mâp đah ăp kruanh n’gâng kan nchră nau ndrel rmôt kan mât nau đăp mpăn neh dak Mỹ tâm lơ 1/9 aơ./.

Nŭih rblang: H’Thi