VOV4.M'nông: Nar 1/11, Lah ta rơh hop gưl têh mpeh rgâl duh nđik trôk nar bah Liên hợp quốc ta Glasgow, Tổng thống Mỹ Biden lah rjăp lam ntŭr neh dôl tâm rơh n'glêh an rdâng lơh đah rgâl duh nđik trôk nar n'hanh ăp dak ân dâk kan ngăch. Tổng thống Biden kuăl jă lam ntŭr neh ndrel dâk kan gay rdâng lơh đah nău tât ntêt nkri ntoh mpơl bah rgâl duh nđik trôk nar n'hanh rach năm tât đah nău khlay ƀư tơm tâm rơh rdâng lơh ăp nău tât hao duh play neh lam ntŭr neh. Wa Joe Biden lah rjăp, rgâl duh nđik trôk nar dôl lơh hêng lam ntŭr neh n'hanh aơ mô hôm lah du nău ntêt nkri ntĭt dơm ôh. Rgâl duh nđik trôk nar dôl lơh hêng nău rêh bah nuĭh ƀon lan n'hanh lơh roh huach hang rbăn rmen đôlar an ăp dak. Ăp dak geh nău dơi ntuh kơl êng n'hanh rdâk njêng ŭnh nar kloh uĕh tâm let năp tay, lôch nê njêng luh hang rkeh nău kan n'hanh trong dơh soih lam ntŭr neh./.

Nuĭh rblang: Điểu Thân