VOV4.Mnông- Nar 14/11, kruanh n’gâng kan tơm prăk Mỹ- wa bu ur Janet Yellen an gĭt, dak aơ mbra uănh n’hêl du đê̆ rnoh sŏk soay ma n’gâng kan Tổng thống Trump geh mbơh đah Trung Quốc. Nău mbơh bâh wa bu ur Yellen geh ndơ̆ mbơh ta năp rơh tâm mâp gâl têh trực tuyến Mỹ- Trung Quốc đah nău ŭch mbra geh njêng du nău mhe gay ma bah ir duh jêr đah bar dak, ngăn lah rơh tâm rkeh mpeh tăch rgâl. Ta năp nĕ, N’gâng kan Tổng thống Trump năm 2018 lĕ geh dŏng âk rnoh sŏk soăy đah loih, nhôm n’hanh du đê̆ ndơ bâh Trung Quốc đah rnoh khlăy 350 rmen đôlar gay ma plơng lơh nău ma Mỹ kuăl đă ăp nău kan tăch rgâl mô tâm ban bâh Trung Quốc. Mhe nơh, âk mpôl kan tăch rgâl bâh Mỹ lĕ njoăl săm ƀŭt tât nuĭh kan mât uănh nău tăch rgâl bâh n’gâng kan Tổng thống Biden, ntrŭt đă n’huch soăy đah drăp ndơ Trung Quốc n’hanh pơk hvi nău mô sŏk soăy rvăt nglăp ndơ gay ma ndâk nsơm nău dơi tâm rlong bâh ăp doanh nghiệp Mỹ.

Nuĭh rblang: Thị Đoắt