VOV4.Mnông- Kruanh n’gâng kan nchră nău đah dak bah dih Mỹ Antony Blinken nar 9/1 an gĭt, păng mô geh knơm mpeh ăp rơh mhe ta rơh tâm nchră rnă njrăng Mỹ- Nga tâm pơh aơ. Wa Blinken mĭn ŭch bar ding mbra geh du đê̆ nău mhe gay ma dơi ntrôl rơh tâm nchră tâm rnôk uh ah ta Ukraine. Ntoh ngơi ta kênh truyền hình CNN nar 9/1, kruanh n’gâng kan nchră nău đah dak bah dih Blinken an lah: ntrong kan mbra geh knơm ta nău pah kan bâh lĕ bar ding ta rơh tâm nchră, nău ma Mỹ mĭn ŭch mbra der geh nău tât Nga rdul lơh Ukraine. Tâm rnôk nĕ, groi kruanh n’gâng kan nchră nău đah dak bah dih Nga Sergei Ryabkov mbơh Nga mbra mô an dơm ta năp nău tŭn mpet êng, nkre an lah nchră nău đah dak bah dih mbra bah lôch du rơh rƀŭn nchră dâl.

Nuĭh rblang: Thị Đoắt