VOV4.M’nông – Kruanh nchră nău Mỹ Antony Blinken nar 2/06 an gĭt tâm 2 pơh tât Mỹ mbra mbơh trong nchrăp tăch n’hanh tâm pă 80 rkeh dĭng covid-19 dak aơ tă tâm ton. Kruanh nchră nău Antony Blinken aƀaơ dôl geh rơh khâl Costa Rica tâm rơh khâl bôk năp tât châu Âu Mỹ La-tinh kơp bah rnôk dơn kan. Tâm rơh rƀŭn mbơh nsum đah Tổng thống Costa Rica Carlos Alvarado, kruanh nchră nău Blinken an gĭt n’gâng kan Tổng thống Joe Biden mbra rgum an nău tâm pă vaccine du trong tâm ban n’hanh mbra mô geh rgop đah ăp nău chính trị tâm rnôk aơ.

Nŭih rblang: Y Sưng Phê Ja