VOV4.M’nông: Mỹ ndrel Iraq ntơm tâm nchră nau tât nau kan bah tahen tâm Mỹ ta Iraq, nkre ntoh nau ton lah nsum lah rjăp nau kan dôl ma hao tay bah tahen Iraq. Nau ton lah nsum geh ndŏ luh tâm rơh tâm nchră tal 3 hôm geh ân lah nau tâm nchră nau kan đah Mỹ ndrel Iraq. Bar ding lah rjăp, nsing tâm nau kan geh hao âk bah rmôt mât rnă nrăng Iraq, nau kan bah rmôt Mỹ bah rmôt kan mra ntơm ntĭm nti ndrel tâm nchră. Tĭng nau ton lah nsum Mỹ-Iraq, ăp rmôt kan hôm e ta Iraq mra geh ntrŭnh tĭng mông geh ndâk tâm ăp nau tâm nchră nau kan. Mỹ hŏ mât nau kan tahen tâm Iraq tâm 18 năm kơp ntơm geh nau rgŏ jă rdôl lơh ta aơ năm 2003. Tahen Mỹ tă rhuăt luh bah Iraq năm 2011 yơn jêh nê hŏ plŏ năm 2014 tâm tahen âk dak gay lơh ăp phung nŏng êng bah Ngih dak Islam./.

Nŭih rblang: H’Thi