VOV4.M'nông: Bộ Quốc Phòng Nhật Bản an gĭt, Mpôl tahen mât njrăng êng kalơ trôk dak dja n'hanh tahen trôk Mỹ hŏ lor bôk năp ƀư du rơh nti tâm lơh nsum gay joi n'hanh kơl nuĭh ta n'gor Okinawa.  Tĭng nê, rơh nti tâm lơh ƀư ta nkual trôk n'hanh nkual dak lêng mpeh bah lơ ăp gôl dak Ishigaki n'hanh Miyako ta quận mpeh bah dâng dŭt Nhật Bản. Nhih pah kan nkoch trêng nău lư Nhật Bản uănh năl an lah rơh nti tâm lơh dja ntĭt ăp trong tâm pit mbra geh wăr ndru gôl dak Senkaku ma Trung Quốc kuăl lah Điếu Ngư. Tâm rnôk dja, Thủ tướng Nhật Bản Kishida Fumio hŏ geh rơh mâp đah Tư lệnh Bộ chỉ huy Ấn Độ Dương - Thái Bình Dương bah Mỹ ta Tokyo. Bar ding hŏ tâm ban ŭch n'hao dăng tâm rgop kan nsum Nhật Bản - Mỹ n'hanh tâm boh gay ƀư jêng ngăn ngăn du nkual Ấn Độ Dương-Thái Bình Dương dah rŏng n'hanh pơk hvi.//.

Nuĭh rblang: Điểu Thân