VOV4.M'nông: Tổng thống Mỹ Joe Biden mhe ƀư rơh họp báo tâm kêng măng 20/8 gay mbơh gĭt rnoh ngăch ntrơn du nuĭh ƀon lan Mỹ n'hanh ăp dak băl luh bah Afghanistan. Tổng thống Biden mĭn lah trong hăn ntrơn du dôl ƀư ta Kabul lah ngoăy tâm ăp rơh nchuăn rdeng ma trong ndeh păr dŭt têh, dŭt jêr. Păng lah: lĕ rngôch nuĭh Mỹ i ŭch plơ̆ sĭt jay dơi an kơl wơt da dê. Yor lah mô dơi der rmoh rman đah mpôl tahen, yor nău kan ƀư tâm rnôk dŭt jêr jŏt. Tổng thống Biden nkre an gĭt ăp kruanh Mỹ way tâm ôp đah ăp kruanh mât bôk tahen Taliban. Wa Biden mbơh njrăng lor an lah ăp rơh rdôl lơh i ntrŏng tâm mpôl tahen Mỹ, mô lah ƀư tăch pruăt nău kan ta tach ndeh păr ân geh plơng lơh ngăch n'hanh dăng lơn./.

Nuĭh rblang: Điểu Thân