VOV4.Mnông- Ntŭk kan mbơh nău mhe Roi-tơ (Reuters) nar 26/11 ndơ̆ nău, Mỹ geh nău mbơh ntêt nkri mbra tâm rdâng đah Iran ta ntŭk kan ŭnh nar nguyên tử lam ntur neh IAEA ta khay tât tay, lah dak aơ mô tâm kơl âk lơn đah ntŭk kan uănh nđôi. Nău kan aơ mbra dơi ƀư rơh tâm nchră mpeh ndâk nsơm nău tâm ton hạt nhân 2015 mbra mô dơi. Tĭng nău mbơh bâh Mỹ lah na nê̆, lah nău mô tâm kơl bâh Iran mô dơi geh ndâk nsơm dâk, hội đồng mbra mô geh săch nău kan êng rlău ma nău rgum jă du rơh rƀŭn nchră ndal ta dŭt năm aơ, gay ma doh rklaih ăp nău uh ah. Rơh rƀŭn nchră Hội đồng ndal mbra geh ƀư gay ma mbơh du nghị quyết njrăng rdâng tay đah Iran, du nău kan lơ ma uh ah mbra dơi ƀư mô ueh an Têheran.

Nuĭh rblang: Thị Đoắt