VOV4.M’nông - Groi Thủ tướng Trung Quốc Lưu Hạc nar 26/10 lĕ geh rơh kuăl điện tâm nchră pơk sŏng dăng đah Kruanh N’gâng kan prăk kaih Mỹ Janet Yellen gay tâm nchră mpeh nu nău wăng sa têh n’hanh tâm boh ăp ding. Tĭng nău mbơh bah Kruanh N’gâng kan tăch rgâl Trung Quốc, 2 ding lah rjăp nău khlay bah 2 dak n’hao tâm rgâl n’hanh kan ndrel mpeh ăp nău kơl têh. Groi Thủ tướng Trung Quốc Lưu Hạc leo mpôl Trung Quốc râng tâm nchră tăch rgâl Mỹ-Trung Quốc bah rnôk Tổng thống Mỹ ơm Donald Trump n’hanh lĕ ntrôl tâm nchră đah Kruanh n’gâng kan prăk kaih Mỹ Gia-net Yê-len n’hanh ntoh măt tăch rgâl Mỹ Katherine Tai bôk năm aơ. Tâm rơh tâm nchră đah wa Lưu Hạc rnôk bôk khay 10 mhe rlău, ntoh măt tăch rgâl Mỹ Katherine Tai lĕ ton mbra ntlơi soăy đah ndơ nglăp rwăt bah Trung Quốc.

Nuĭh rblang: Y Sưng Phê Ja