VOV4.M’nông: Lơ 9/5 hŏ geh nar ntơm rgum leo tahen dŭt têh ngăn tâm quảng trường Đỏ tâm thủ đô Matxcơva, Nga gay nkah 876 năm nar Chiến thắng phát xít tâm nau tâm lơh Vệ quốc Vĩ đại. Tĭng nau vay, du rơh rƀŭn leo tahen ueh ngăn hŏ geh ta Quảng trường Đỏ, đah nau tât râng bah âk tahen geh rlau 12 rbăn 500 nŭih, rlau 190 rmôt ndoh ndơ phao bleo, ndrak nsiu. Tổng thống Putin hŏ geh nau mbơh rhơn dĭng lĕ ƀon lan Nga, ăp tahen, sỹ quan tâm ăp rmôt di rnôk nkah 76 năm nar geh nau dơi. Rđau kan Nga lah rjăp, nar aơ hŏ, dôl ndrel mra lah nar ueh ngăn bah dak Nga, đah rnoi mpôl Nga. Mô êng kơt nê, nau dơi bah ăp nŭih tă geh nau mô dơi, nau ntŭn mpet bah phung rlăng Đức Quốc xã geh nau khlay ngăn đah ăp nau geh jêng bah lam ntur neh./.

Nŭih rblang: H’Thi