VOV4.M’nông: Lơ 22/8, Ai Cập ƀư rơh rƀŭn gưl prêh geh 5 dak, tâm nê geh: Jordan, Bahrain, Iraq, UAE ndrel dak tơm ngih Ai Cập gay nchră nau kan n’hao nau tâm boh kan nsum. Rơh rƀŭn geh ƀư tâm nkuăl ƀon tehe El Alamein tâm mpeh mpông dak lêng ba dâng Ai Cập. Rđau kan 5 dak ndrel tâm nchră n’hao nau kan nsum ndrel ntrŭt dăng nau nsôih Ả-rập gay ma rdâng bôk đah ăp nau ntul rlong, rgop nau ân dơi geh nau đăp mpăn ndrel nâp nâl. Ăp ding kŏ mra ndrel nsôih ntrŭt dăng nau tâm rnglăp văng sa, têm nê rgum tâm ăp nau kan mât đăp mpăn ndơ ngêt sa, phân poh ndrel dak si. Bah rơh rƀŭn aơ, Ai cập ŭch tâm boh âk lơn tay đah ăp dak gay ma dơi geh du nau dơi nsum kŏ kơt lah ntrŭt dăng nau kan nsum bah ăp dak Ả rập, ngăn lah tâm rnôk ăp nkuăl ndrel lam ntur neh dôl ma rdâng đah ăp nau ntul rlong têh./.

Nŭih rblang: H’Thi