VOV4.M’nông: Thủ tướng Đức Olaf Scholz ân lah, ăp dak Liên minh Châu Âu (EU) ân geh nsum ty nchrăp ân nau ndâk tay Ukriane jêh rnôk tâm rkeh, ntơm đah ăp nau ndâk du ntrong tâm rnglăp kơl an nsum gay ma kơl trok prăk gay ma ndâk hao tât âk rmen đôla. Ntoh nau tâm nar rƀŭn Quốc hội lơ 19/5, Thủ tướng Đức ntoh nau kơl an đah Tổng thống Pháp Emmanuel Macron ân lah ăp nau kan khlay rlau ma nê rnôk aơ lah rgum ân nau kơl an ngăn đah Ukraina, rgâl ma nsŭn nau ƀư jêng nau tâm lơh jŏ jong. Wa Olaf Scholz ndơn lah, nau ndâk njêng ngih vâl gung trong tă geh lơh khuch ndrel ndâk tay nau kan văng sa Ukraine mra roh âk rmen đola. Ndri ma, ăp dak kan nsum bah Liên minh Châu Âu ân ntơm leo nau ƀư du nau kan ndâk nau tâm rgop prăk tâm kơl dơi geh kơl an yor nau rgop bah EU ndrel ăp dak kan nsum./.

Nŭih rblang: H’Thi