VOV4.M'nông: Chính phủ Indonesia n'glêh an ntơ săk an Thủ đô mhe nchrăp rdâk njêng ta n'gor mpeh luh nar Kalimantan bah dak dja lah “Nusantara”. Lah ta rơh pah kan đah Uỷ ban rdâk njêng Trong nchrăp Luật Thủ đô mhe tâm nar 17/01, Bộ trưởng Kế hoạch Hun hao neh dak Indonesia an gĭt moh săk Thủ đô mhe “Nusantara” hŏ dơi Tổng thống Indonesia Joko Widodo uănh an ngăn tâm kêng dŭt pơh bah năp nơh. “Nusantara” tâm nău ngơi Indonesia jêng lah "ndru gôl dak". Ăp nuĭh ƀon lan Indonesia nklăp mbra tâm ban ŭch đah ntơ săk Thủ đô mhe yor aơ lah nău ntĭt ơm bah jŏ aơ rnôk nkah tât neh dak Indonesia đah hang rmưn gôl dak têh jê̆. Năm 2019, Tổng thống Joko Widodo mbơh "Trong nchrăp kan dŭt têh" geh rnoh khlay rlău 35 rmen đôlar gay ntrơn Thủ đô bah Jakarta. Nău ntrơn Thủ đô bah Indonesia hŏ dơi ndơ̆ luh tâm rnôk Jakarta hŏ jêng lhăt bêng ir n'hanh rnoh ngăch băm dak lêng nar lơn ma âk./.

Nuĭh rblang: Điểu Thân