VOV4.M’nông: Tổng thống Kazakhstan Ka-xim Giô-mát Tô-kay-ép lơ 11/1 mbơh hŏ đă wa A-li-khan Xmai-lốp ƀư Thủ tướng dak aơ. Nau mbơh geh ndơ̆ luh knŭng du nar jêh rđau kan Tô-kay-ép lah rjăp, Kazakhstan hŏ lơh dơi nau ŭch ƀư n’gưl n’gâng kan tâm rnôk dôl ma geh nau ntoh luh tâm pơh bah năp nê tâm neh dak Trung Á aơ. Hạ viện Kazakhstan hŏ rƀŭn nchră, nklăch phiếu nchră luh nau đă bah wa Smai-lôp ƀư Thủ tướng mhe bah dak aơ. Wa Smai-lốp, 49 năm, hŏ tă ƀư Groi Thủ tướng tâm chính phủ ma Tổng thống Tô-kay-ep nsrŭng lôch kan tâm pơh bah năp nê. Ntoh nau bah năp nghị viện, Tổng thống To-kay-ep mbơh, ntŭk kan tâm ton mât rnă njăng hŏ ƀư jêh nau dơi ndrel ntơm rhuăt luh tahen bah Kazakhstan tâm bar nar tât./.

Nŭih rblang: H’Thi