VOV4.M’nông – Nuĭh ntoh ngơi bah Tổng thống Hàn Quốc Yun sơcs-yên nar 17/4 an gĭt gay ƀư tĭng nău ton bah Tổng thống mhe mpeh nău rgâl tâm boh đah Nhật Bản, dak aơ mbra đă mpôl ntoh măt khâl Nhật Bản tâm 5 nar kơp bah nar 24/4 tât. Mpôl ntoh măt geh 7 nuĭh tâm nĕ geh Nghị sĩ Quốc hội geh nău tâm boh đah nuĭh prăk kaih Nhật Bản, kruanh tâm rnglăp nchră nău, nuĭh way kan.... nchrăp mbra geh rơh tâm nchră đah ntoh măt bah chính phủ Nhật Bản mpeh tâm boh Nhật-Hàn, kan ndrel đah 3 dak Nhật-Hàn-Mỹ. Rơh hăn khâl rơh aơ tĭng nuĭh ngơi đah nău ŭch mbra rgop nsrôih tâm nău n’hao kan ndrel 2 ding tâm nău hạt nhân Triều Tiên, nău bôk năp gay rƀŏng tât mkra ăp nău tâm rkeh tâm boh Hàn Nhật. Nkre ntrŭt ăp rơh khâl yor kruanh chính phủ 2 dak dơi ƀư tay tâm nar tât.

Nuĭh rblang: Y Sưng Phê Ja