VOV4.M’nông – Ủy viên Quốc vụ, Kruanh Tâm rnglăp nchră nău Trung Quốc Vương Nghị mhe geh rơh khâl na nê̆ 3 nar tât Nepal (bah nar 25-26/3) n’hanh rƀŭn nchră đah nuĭh tâm ban gưl kan Nepal Narayan Khadka. Ta rơh rƀŭn nchră, 2 kruanh nchră nău Nepal lĕ tâm nchră mpeh ăp nău khlay bah nău tâm boh “Kan ndrel ndrel têh hvi” Nepal-Trung Quốc. 2 ding lah rjăp nău khlay tâm nău mât ƀa ƀơ ăp rơh khâl gưl prêh, gay nâp nâl nău nsing nơm, rgop nâp nău kan ndrel tâm boh 2 dak. Jêh rơh rƀŭn nchră, 2 ding lĕ ký 9 sam ƀŭt nkah gĭt kan ndrel tâm ăp nău kan kơt wăng sa n’hanh kỹ thuật, tăch rgâl, tâm nđŭr đah nuĭh ƀon lan, dak si n’hanh ăp nău nchrăp ƀư dôl ƀư bah Trung Quốc ta Nepal, tâm nĕ geh nău nchrăp ƀư mpeh trong ndeh treng rlŏ rlău n’har bri. Nău nchrăp ƀư trong ndeh treng aơ du gâl nău khlay bah trong boăt nthoi âk trong hăn Himalây đah Nepal n’hanh Trung Quốc.

Nuĭh rblang: Y Sưng Phê Ja