VOV4.M'nông: Nar 17/3, ơh nău ôp ăp phóng viên mpeh nău dơi tâm nchră đah Ukraina, thư ký báo chí bah Tổng thống Nga Dmitry Peskov lah rjăp, mpôl đă hăn kan bah Nga dŭt nsrôih n'hanh mpơl nuih n'hâm nchrăp âk lơn rđĭl đah mpeh Ukraina gay ƀư ăp rơh tâm nchră ndăn ngăch. Ăp nău nkol bah Nga ndơ̆ luh dŭt kloh rvah, dơi rdâk njêng n'hanh mbơh ăp tŏng tât ăp kruanh tâm nchră mpeh Ukraina. Tĭng nău wa  Dmitry Peskov, mpôl đă hăn kan bah Nga mbra pah kan ndăng măng nar, tâm rnôk mpeh Ukraina mô geh du nău rvê đêt. Nuĭh ntơh ngơi Bộ Ngoại giao Nga Maria Zakharova mpơl nău mpŏng an lah, Ukraina mbra gĭt nău khlay bah du trong nkra đăp mpăn an nkô̆ nău nchrai lĕ tahen Ukraina./.  

Nuĭh rblang: Điểu Thân