VOV4.M’nông – Ăp rơh tâm lơh đah tahen Myanmar n’hanh Liên minh Quốc Guia Karen (KNU) jêng hô lơn ta n’gor Myanddy êp n’har bri Thái Lan-Myanmar. Tahen Myanmar lĕ rdôl lơh êp n’har bri đah ndrăk nsiu têh gay nking trong ntop kơl ndrăk nsiu n’hanh ndoh ndơ. Nuĭh ƀon lan Thái Lan ta êp n’har bri du tâm ntu gay đăp mpăn. Tahen Thái Lan lĕ geh nău ƀư plơng tay đah gar nat nsŭk tât neh dak Myanmar kơt nău mbơh. Tât aƀaơ, hôm e geh rlău 1.800 nuĭh Myanmar dôl an gŭ ndê ta Thái Lan yor ăp nău tâm lơh. Ăp kruanh Thái Lan nkoch nău klach rvê mpeh nu nău roh đăp mpăn ta Myanmar yor ƀư nuĭh gŭ ndê hao ngăch.

Nŭih blang: Y Sưng Phê Ja