VOV4.M'nông: Nuĭh đă hăn kan mha êng ASEAN, Groi Thủ tướng, Bộ trưởng Ngoại giao n'hanh tâm boh dak bah dih Campuchia Prak Sokhonn nchrăp geh hăn khâl Myanmar. Aơ lah hăn khâl tâl 2 bah wa Prak Sokhonn tât Myanmar gay ntrŭt ntrôl nău tĭng ƀư ăp nkô̆ hŏ tâm ban ŭch 5 ntil nău hŏ dơi tâm nchră gưl têh ASEAN ndơ̆ luh. Nchrăp hăn khâl ƀư tâm kêng dŭt khay 6 mô  lah bôk khay 7 tât đah bar nău kan khlay. Lor bôk năp lah uănh năl nău tĭng ƀư ăp nău ton hŏ ndơ̆ luh bah mpôl tahen đặc nhiệm Myanmar ta rơh hop nsŏng kơl mpeh nkô̆ nău ntop kơl nuĭh bah ASEAN an Myanmar. Nău ŭch tâl 2 lah rdâk njêng ntŭk gŭ rêh dơh soih lơn đŏng an ăp rơh tâm dâl nău chính trị lam lĕ rngôch. Tĭng nê, nuĭh đă hăn kan mha êng Prak Sokhonn mbra joi trong ntrŭt ntrôl tâm dâl nău đah Hội đồng n'gâng kan ngih dak Myanmar (SAC), Ăp mpôl tahen rnoi mpôl đê̆ (EAO) n'hanh lĕ rngôch ăp ding geh tât./.

Nuĭh rblang: Điểu Thân