VOV4.M’nông- Kruanh n’gâng kan nchră nău đah dak bah dih Philipine đă ntrơn du lĕ rngôch ăp nuĭh ƀon lan dôl rêh ta Ukraine tâm rnôk ăp rơh tâm lơh đah Nga n’hanh Ukraine hôm nha geh duh jêr. Tâm du nău mbơh mhe aơ, kruanh n’gâng kan nchră nău đah dak bah dih Philipines lĕ n’hao rnoh mât njrăng uh ah ta lĕ rngôch ăp nkual geh nău tâm lơh tâm su ta Ukraine bâh rnoh mbơh njrăng mbrô 2 ( rơh mô ir) hao tât rnoh mbơh mbrô 4 ( đă plơ̆ sĭt ƀon tơm), rnoh dŭt njrăng. Nău mbơh lah na nê̆, nuĭh Philipines ta Ukraine mbra geh Đại sứ quán Philipines ta Ba Lan n’hanh rmôt mbơh ngăch bâh chính phủ kơl plơ̆ sĭt n’hanh gŭ âm. Nău ntrŭnh aơ bâh n’gâng kan nchră nău dak bah dih Philipines ndơ̆ mbơh rnôk uănh nđôi na nê̆ nău kan chính trị n’hanh rnă njrăng ta Ukraine. Rnoh prăk plơ̆ sĭt ƀon tơm mbra yor chính phủ tâm trok.

Nuĭh rblang: Thị Đoắt