VOV4.M'nông: Qatar mbra dâk ƀư tâm nchră gưl têh Rgum nchră ăp dak tăch n'gluh dak ŭnh (GECF) tâm kêng dŭt khay dja, tâm rnôk châu Âu rvê mpeh tơm pă an dak ŭnh geh tât duh jêr ăp ding mpeh Ukraine. Tĭng mpôl kruanh Mỹ, Mỹ dôl joi geh nău kơl bah dak băl  Qatar tâm nău đăp mpăn ăp tŏng ngăch tơm ndơ lah trong dĭng n'hoch dak ŭnh tât Tây Âu geh nking nchăng. Tâm du rơh mâp bôk pơh dja đah Thủ tướng Đức Olaf Scholz, Tổng thống Mỹ Joe Biden hŏ mbơh mbra ntĭl trong dĭng n'hoch dak ŭnh n'hong hoch phương Bắc 2 bah Nga tât châu Âu lah Nga ƀư lăp lơh ma tahen tâm Ukraine. Aƀaơ, Liên minh châu Âu (EU) dôl joi ăp trong nkra rgâl an dak ŭnh bah Nga nkhêp geh rơh duh jêr ŭnh nar./.

Nuĭh rblang: Điểu Thân