VOV4.M'nông: Lôch rơh kuăl điện tâm nchră đah Tổng thống Nga Vladimir Putin n'hanh Kruanh Hội đồng châu Âu Charles Michel, Văn phòng Tổng thống Nga ndơ̆ luh du nău mbơh, tâm nê an gĭt, Ukraine mô mpơl nuih n'hâm răp jăp tâm nău joi ăp trong nkra ma lĕ bar ding mbra dơi ŭch. Tâm du nău mbơh êng, nuĭh ntơh ngơi Văn phòng Tổng thống Nga Dmitry Peskov an gĭt, hôm dŭt ơm gay nchroh nău dơi rgâl uĕh ăp rơh tâm nchră. Nău kan dôl lah jêr jŏt tâm nô nău aƀaơ, gay tâm nchră dơi nthoi ƀư tay lah du nău uĕh. Hôm mpeh Ukraine, Tổng thống Volodymyr Zelenskiy năl lah, tâm nchră đah Nga dôl lah nău kan ngăn ngăn lơn yơn hôm ân geh mông nar. Ngoại trưởng Nga Sergey Lavrov an gĭt, ăp rơh tâm nchră aƀaơ đah Nga n'hanh Ukraine lah gay đăp mpăn nău gŭ êng nklang n'gul bah Ukraine, tâm rnôk Ukraine ŭch geh dơi ăp nău đăp mpăn rnă njrăng, lĕ ma nău ton đăp mpăn bah phương Tây./.

Nuĭh rblang: Điểu Thân