VOV4.Mnông- Thủ tướng Anh Boris Johnson nchrăp mbra geh rơh tât khâl ngăn dak Ấn Độ tâm ăp nar tât tay. Wa Boris Johnson nchrăp mbra geh rơh tât khâl ngăn dak Ấn Độ tâm ăp nar tât tay. Wa Boris Johnson mbra geh rơh tâm nchră đah nuĭh tâm ban nău kan dak tơm jay Narendra Modi ta thủ đô New Delhi gay ma ntrôl nău tâm boh kan dêh bên n’hanh tâm kơl mât đăp mpăn rnă njrăng ta nkual Ấn Độ Dương-Thái Bình Dương. Tâm ntŭk rlu jâng bôk năp bâh Thủ tướng Anh ta Ấn Độ, wa Boris Johnson mbra geh âk nău kan ta nkuăl ƀon têh Ahmadabad, ta bang mpeh nhâp nar Gujarat. Ta bang Gujarat, wa Boris Johnson nchrăp mbra geh mbơh ăp nău nchrăp kan tâm kơl đah Anh n’hanh Ấn Độ mpeh khoa học, dak si n’hanh công nghệ, tâm ban kơt ăp rnoh ntuh kơl têh ta ăp n’gâng kan công nghiệp tơm khlăy đah 2 dak. Tĭng nău mbơh bâh chính phủ Anh, Thủ tướng Boris Johnson ŭch bâh rơh tât khâl aơ gay ma ntrôl nău tâm nchrăp tăch rgâl đăp mpăn đah bar dak.

Nuĭh rblang: Thị Đoắt