VOV4.Mnông. Thủ tướng I-xra-en Náp-ta-li Ben-nét (Naftali Bennett) lĕ ntơm rơh tât khâl Baranh. Rơh tât khâl Ba ranh geh kanŭngf bar pe khay lôch wa Ben net mhe geh rơh tât khâl ăp dak A rập thống nhất UAE. Ăp rơh tât khâl mbro an saơ, mpôl kan Israel dôl nsrôih mât lhăt jăp lơn nău tâm boh kan đah ăp ngih dak nkual njônh. Ntoh ngơi đah báo chí  ê lorhăn bâh israel, Thủ tướng Israel Naptali Ben net lĕ mpơl nău ŭch bâh rơh tât khâl rnôk an lah, aơ mbra lah nău mbơh bâh nău ŭch kan nsum n’hanh an saơ, Israel n’hanh Ba ranh ndrel tâm kơl nău gĭt vât tâm nău doh rklaih ăp nău ntul rlong nsum”. Tĭng nău nchrăp, ta rơh tât khâl 2 nar tay tât ta Baranh, wa Ben net mbra geh rơh tâm mâp ăp nuĭh kan gâl têh Ba ranh kơt kađăch Hamad bin Isa Al Khalifa, Thủ tướng Salman bin Hamad Al Khalifa n’hanh âk nuĭh kan gâl têh êng bâh dak aơ.

Nuĭh rblang: Thị Đoắt