VOV4.M’nông – Tĭng nău mbơh bah N’gâng kan tâm rnglăp nchră nău Thái Lan, Thủ tướng Nhật Bản Kishida Fumio mbra khâl Thái Lan ta bôk pơh tât tĭng nău jă bah Chủ phủ Hoàng gia Thái Lan. tâm rnôk khâl geh tâm 2 nar (1/5/2022), Thủ tướng Kishida Fumio mbra geh rơh mâp ăp ding đah Thủ tướng Thái Lan Prayut Cha-o-cha. Jêh rơh mâp, 2 kruanh mbra uănh ƀư ký ton đah ăp ngih pah kan dơi kan bah 2 ding n’hanh râng nar rƀŭn mbơh nsum. Rơh rƀŭn Thái Lan rơh aơ bah Thủ tướng Nhật Bản geh rơh nkah gĭt 135 năm ndâk njêng tâm boh tâm rnglăp n’hanh 10 năm tâm boh kan ndrel têh hvi đah Thái Lan n’hanh Nhật Bản. Rơh khâl dơi ƀư ndrel rnôk Thái Lan ndâk ƀư APEC 2022 n’hanh dơn ƀư ƀĭt joet tâm boh ASEAN-Nhật Bản lvang 2021-2024.

Nuĭh rblang: Y Sưng Phê Ja