VOV4.M'nông: Cử tri Timor Leste nar 19/4 hŏ hăn nklăch phiếu tâm rơh bầu cử Tổng thống rvăch tâl 2 gay sơch luh kruanh mât bôk neh dak tâm khay 5 tât. Bơi 860.000 tâm lĕ rngôch rnoh 1,3 rkeh nuĭh ƀon lan bah dak dja geh tŏng nău dơi râng nklăch phiếu. Nchrăp rnôk kơp phiếu mbra ntoch jong bar pe nar. Nuĭh geh nău dơi rơh tâm rlong mbra dơn nău kan ntơm bah nar 20/5, di tâm rnôk nkah ndray 20 năm đăp mpăn. Rvăch tâl 2 lah rơh "plơ̆ tâm rlong tay" đah Tổng thống Francisco Lu-Olo Guterres n'hanh Jose Ramos-Horta, tổng thống ơm Timor Leste năm kan 2007-2012 n'hanh lah tơm nuĭh giải Nobel Hòa bình năm 1996. Aơ lah rơh bầu cử tổng thống tâl 5 ta Timor Leste kơp ntơm bah rnôk dak dja mbơh đăp mpăn năm 2002. Tĭng Hiến pháp, Tổng thống geh nău dơn kan nchŏng đă chính phủ tâm ban kơt geh nău dơi nchrai quốc hội./.

Nuĭh rblang: Điểu Thân