VOV4.M’nông –  Ôi 20/4, N’gâng kan Lao động Thương binh n’hanh xã hội tâm rgop đah Rmôt kan Lao động quốc tế ƀư Rgum nchră “Uănh lah 10 năm ƀư tĭng nău kơl đăp mpăn nău rêh jêng kon nuĭh Việt Nam lvang 2012-2022-Trong rƀŏng n’hanh gưl ƀah”. Nău mbơh ta rgum nchră nkoch kloh: Jêh 10 năm ƀư tĭng nghị quyết 15 bah BCH Trung ương Đảng, trong kan đăp mpăn nău rêh jêng an nuĭh ƀon lan dơi geh âk nău khlay. Ăp nău kơl đăp mpăn nău rêh jêng dôl dơi gĭt tât tĭng trong tâm nău dơi đăp mpăn bah nuĭh ƀon lan.

Lam ntŭk rgum nchră.

Nău dơi bah bu ur, kon se, nuĭh âk năm deh, nuĭh koet nte n’hanh ăp nuĭh mô lap dơi đăp mpăn uĕh lơn. Tâm 10 năm bah năp, rĭng du năm lam dak mkra nău ntop kơl du tơ̆ an 6 tât 8 rbăn nuĭh geh soan đah cách mạng n’hanh aƀaơ lam dak geh rlău 1,3 rkeh nuĭh geh soan dơi ntop kơl ăp khay. Rĭng ăp năm mkra nău kan tâm dak an 1,5 tât 1,6 rkeh nuĭh.

Nŭih blang: Y Sưng Phê Ja