Mpôl pah kan bah Bộ Công an mhe ƀư but săm ji, phăt dơm dak si n’hanh kơl ndơ Tết an nuĭh ƀon  lan ta bar xã Ea Tiêu n’hanh Ea K’tur, nkuâl Cư Kuin, n’gor Dak Lak. Tĭng nê, Cục Y tế (Bộ Công an) hŏ kan nsum đah Nhih dak si 199, Nhih dak si 30/4, Công an n’gor Dak Lak ƀư but săm ji an 300 nuĭh dơi kơl, nuĭh geh nău rêh jêr jŏt.

Ta aơ, hŏ ƀư ăp nău kan kơl êng kơt: Bôk nău kan “Sĭt đah ƀon lan”; tâm rlong “Rung chuông vàng” n’hanh jao an “Jrô máy an oh” ta Nhih nti Trung học cơ sở Ea Tiêu; Sa nkra n’gâng ŭnh “Mpoh ang ƀon lan” n’hanh “Trong cờ Tổ quốc”. Nkhêp geh rnôk dja, Công an n’'gor Dak Lak hŏ luh hăn nkoch trêng pháp luật mpeh đăp mpăn hăn ntung trong, njrăng bah nău tât rmanh rtoh pháo, rmok dak; nkra jay văn hóa ƀon; khâl pă nklâm ndơ rnăk tahen ơm khĭt n’hanh công an 2 xã Ea Tiêu n’hanh Ea K’tur, nkuâl Cư Kuin.