Ôi 30/12, Groi Thủ tướng rnâng kan Chính phủ Nguyễn Hoà Bình hŏ râng n’hanh lah ta rnôk tâm nchră n’glôch jêh pah kan rnoi mpôl đê̆ năm 2024 n’hanh an ƀư nău kan năm 2025. Năm 2024, pah kan rnoi mpôl đê̆ dơi lam trong kan chính trị ăp gưl mât uănh khlay rđău đă, kan nsum an tĭng ƀư, ndrel đah nău nsrôih nsan hao bah ƀon lan rnoi mpôl đê̆, nău tĭng ƀư pah kan rnoi mpôl đê̆, trong kơl rnoi mpôl đê̆ tâm năm 2024 hŏ rgop hun hao wăng sa- rêh jêng kon nuĭh.

Rnoh ngăch hun hao wăng sa ta ăp nkual rnoi mpôl đê̆ n’hanh mpeh yôk yang âk, tâm nê nkual Tây Bắc rĭng hao 8%, Tây Nguyên rĭng hao 7,5%, Tây Nam Bộ rĭng hao 7%. Tâm năm 2025, Uỷ ban Dân tộc n’gluh 12  nău dơn kan rgum tơm. Tâm nê, rgum rdâk njêng n’hanh ƀư lôch jêh ăp Đề án, trong kơl rnoi mpôl đê̆; njêng rgâl tơm mpeh rnoh ngăch, săk blău nău tĭng ƀư ăp rnoh tât kan gưl neh dak. Lah ta rơh tâm nchră, Groi Thủ tướng Nguyễn Hoà Bình dăn đă ăp đơn vị ân rgum ăp tơm ndơ tĭng ƀư đăp mpăn rnoh ngăch ăp bôk nău kan gưl neh dak, rgum tơm lah bôk nău kan gưl neh dak rnoi mpôl đê̆ n’hanh mpeh yôk yang n’hanh bôk nău kan n’hŭch ach o jŏ jong.