VOV4.M'nông: Nar 29/8, Bộ Giáo dục n'hanh Đào tạo geh si ƀŭt njuăl Giám đốc Sở Giáo dục n'hanh Đào tạo ăp n'gor, nkual ƀon têh an ƀư du đêt nău kan bôk năm nti mhe 2022-2023. Ngoăy tâm ăp nău kan ma Bộ Giáo dục n'hanh Đào tạo đă ăp nhih nti nê lah tĭng ƀư di nău way mpeh mât dŏng prăk n'hanh mbơh kloh ăp rnoh sŏk, dŏng bôk năm nti mhe. Bộ đă ăp Sở Giáo dục n'hanh Đào tạo ƀư mbơh gĭt lam hvi n'hanh an tĭng ƀư nău kan rgum tơm năm nti mhe 2022 - 2023, đah nkô̆ bôk năm nti lah “Tâm rnglăp, blău ƀư mhe, mbrôn suan ƀư lôch jêh ăp nău kan n'hanh rnoh tât kan rgâl mhe, rdâk tay n'hanh n'hao săk blău ntĭm n'hanh nti". Lor nchrăp ôp uănh tay ăp tŏng lam lĕ rngôch, tâm pă, dăp rgum nhih nti, jrô nti, nai ntĭm, nuĭh kan  tâm di đah nău geh ngăn ngăn bah n'gor n'hanh biên chế dơi jao tĭng nău way. Ăp Sở Giáo dục n'hanh Đào tạo ân rđău đă ăp nhih nti an ƀư trong mât đăp mpăn rnă njrăng tâm nhih nti, tâm nê njrăng ŭanh khlay tât pah kan rdâng  lơh gay nău tam đah nău tât djơh trôk nar,   nuh srê COVID-19 n'hanh ăp nuh srê êng ƀa ƀă./.

Nuĭh rblang: Điểu Thân