VOV4.M’nông-Nchrăp an rơh rƀŭn nchră tal 4, Quốc hội khóa 15 tât tay, bâh nar 5 tât 11/10,mpôl ĐBQH n’gor Lâm Đồng lĕ ƀư tĭng nău kan tâm mâp ƀon lan ta ăp nkuăl, nkuăl ƀon têh tâm n’gor, âk nău geh nkoch mbơh geh ƀon lan tâm rgop n’hanh dăn đă, kơt lah: nău kan njrăng sa nkhiăn sa ƀer bâh trung ương n’hanh ta ntŭk, nău kan njrăng tâm lơh ta rnăk vâl, nău kơl uănh săm ji, nău ƀư tĭng ăp bôk nău kan nkô̆ mpŏng ngih dak, prăk ntuh kơl nsum, trong hăn let ăp ntŭk, mât đăp mpăn rnă njrăng rêh jêng..

Ƀon lan Lâm Đồng dŭt ji nuih nău pă săm ƀŭt kơp dơn dŏng neh jêr

Ƀon lan Lâm Đồng dŭt ji nuih nău pă săm ƀŭt kơp dơn dŏng neh jêr

ƀon lan n’gor Lâm Đồng dŭt uănh khlăy tât ăp trong kan ƀư tĭng n’huch ach o nâp nâl, ăp nău mpeh doh rklaih dak kloh nkual ƀon lan mhe, mât uănh bri, sŏk dŏng ndơ trôm neh, kơl an doanh nghiệp n’hanh ƀon lan kan lŏ mir n’hao săk rnglăy pah kan jan sa, rgâl nkra nău tât mpeh phân poh, ndơ dŏng tuch tăm mô nă jêng. Du đê̆ nkô̆ nău geh âk ƀon lan nkoch nĕ lah nău way uănh năl, pă săm ƀŭt kơp dơn dŏng neh bôk năp hôm nha jêr, ntoch jong.

Mpôl đại biểu quốc hội n’gor Lâm Đồng ntêm âk mông nar tâm mbơh, mbơh tơih nău, mbơh rblang du đê̆ nkô̆ nău khlăy, nkre lah kơp dơn tay, rgum lĕ ăp nău tâm rgop dăn đă bâh ƀon lan.

VOV /Nuĭh rblang: Thị Đoắt