Gay ma ntơm ƀư nău kan, Công an n’gor lĕ geh rgum 13 công ty rdâk ƀư ngih jay đah rlău 700 nuĭh kan ăp nar, ndrel đah rlău 300 cán bộ, tahen tât râng kan, tâm rgop bơi tât 5.500 nuĭh nar ăp nar. Công an ăp xã, phường tât mbơh đah n’gâng kan ta ntŭk rgum geh tay 4.973 nuĭh kan ta ntŭk. Tâm lĕ rnoh 176 ngih jay, tât aƀaơ lĕ geh ƀư lôch n’hanh pă jao an 106 ngih jay. Đah 70 ngih jay hôm e, yor ăp rnăk geh ŭch ntop tay prăk kan gay ma ƀư hvi, n’hao mhe ngih jay gŭ, Công an n’gor lĕ tâm rgop uănh năl, mât đăp mpăn di nuĭh, di rnoh kan n’hanh nău ngăch kan. Thiêú tướng Phan Thanh Tám, Giám đốc Công an n’gor Đăk Lăk lah na nê̆, nău ƀư lôch ăp ngih jay bôk năp tâm du ƀlât mô dơn geh nău khlay tâm nău rnă njrăng rêh jêng ma hôm nha lah nău nsum ti lăp kan bâh mpôl kan công an, gưl uỷ, n’gâng kan n’hanh ăp mpôl kan ta ntŭk tâm nău mât chăm nău rêh an ƀon lan, ngăn lah ăp rnăk geh nău khuch khat yor mih phŭt sial mhe nơh.