Nar ntri (28/1), Hội Liên hiệp Bu ur n’gor Dak Lak ƀư nta an trong rêh an hội viên bu ur ach o, geh nău rêh jêr jŏt ta ăp xã n’har bri bah n’gor. Ta ăp xã Ia Lốp, Ia Rvê, Ea Bung n’hanh Buôn Đôn, Dak Lak, Hội Liên hiệp Bu ur n’gor hŏ nta an 24 trong ntĭt leo joi geh trong rêh an hội viên bu ur geh nău rêh jêr jŏt, gay kơl ăp rnăk hun hao pah kan jan sa, đăp mpăn nău rêh.

Ăp trong ntop kơl lĕ ma mât rke lai, ndrôk mô lah rpu, tâm di đah nău dơi mât rong n’hanh nău ŭch geh ngăn ngăn bah tĭng rnăk. Lĕ rngôch rnoh khlay ăp trong ntĭt leo joi geh trong rêh hŏ nta an lah 260 rkeh prăk. Aơ lah nău kan mpeh bôk nău kan “Năm mhe n’har bri – răm nuih n’hâm ƀon lan”, đah âk nău kan ngăn ngăn mât chăm Tết an bu ur, kon se ach o, rnăk dơi kơl n’hanh nuĭh ƀon lan nkual jru, nkual ngai, nkual n’har bri.