Mbah rhơn Đại hội đại biểu lam dak rơh tal 14 bah Đảng, kêng măng (15/1), Quân khu 5 ƀư chôk neh ndâk ƀư Jay rgum rƀŭn nsum mpôl Ƀon Kđoh, xă căn cứ cách mạng Cư Pơng, n’gor Dak Lak. Jay rgum rƀŭn nsum mpôl Ƀon Kđoh dơi ndâk nkra tĭng jay nhih way ơm bah nuĭh Êđê. Ndơ ƀư nchrăp jêh n’hanh jao an dŏng tâm khay 9 năm 2026.

Rnôk jêh, Jay rgum rƀŭn nsum mpôl mbra lah ntŭk ƀư ăp nău kan văn hóa, rgum rƀŭn, nkoch trêng nău ntrŭnh, trong hăn bah Đảng, nău kơl, pháp luật bah Ngih dak; rgop n’hao nău rêh nuih n’hâm an Nuĭh ƀon lan, mât n’hanh ƀư uĕh văn hóa rnoi mpôl đêt, nkre rhŏ an săk rnglăy nău kan mât njrăng bri dak-rnă njrăng ta ntŭk. Ndrel nar, Quân khu 5 lĕ ƀư chôk neh ndâk ƀư Jay rgum rƀŭn nsum mpôl ta thôn 12, xă n’har bri Ia Rvê (n’gor Dak Lak). Ndơ ƀư dơi ndâk nkra tĭng jay rƀŭn, rgop n’hao nău rêh văn hóa, nuih n’hâm an kônh wa Nuĭh ƀon lan n’har bri. Dĭng lĕ prăk ndâk ƀư 2 jay nsum mpôl lah 5 rmen prăk.