Rlău 102 rkeh USD gay ma mât bri, rgâl mhe nău rêh jêng Tây Nguyên n’hanh Duyên hải Nam Trung Bộ.
Thứ sáu, 15:54, 30/01/2026
vovtaynguyen
vovtaynguyen
VOV.Mnông: Nar naơ 29/1, ta Buôn Ma Thuột, n’gor Đăk Lăk, Chính phủ Việt Nam tâm rgop đah ntŭk kan hun hao tuch tăm lam ntur neh n’hanh ntŭk kan mât ueh mih sial nđir ntơm geh ƀư nău kan n’huch rnoh nsuk ƀơ̆ ta Tây Nguyên n’hanh Duyên hải Nam Trung Bộ (RECAF), đah rnoh ntuh kơl rlău 102 rkeh đôlar.
Nău kan RECAF geh mbơh ƀư tâm 6 năm ta ăp n’gor Đăk Lăk, Gia Lai, Lâm Đồng n’hanh Khánh Hoà, geh rgum kơl rgâl mhe nău kan tĭng trong tuch tăm, mât bri tâm rgop nâp nâl, n’hao nău mât ueh bri ơm geh n’hanh hun hao ăp rnoh khlăy mô geh ƀư roh bri. Tĭng nău nchrăp, nău kan mbra geh ntop n’huch klâp ma 6,68 rkeh tấn CO2 tâm ban dah rgâl mhe 145 rbăn ha neh tăm bri jêng rgâl tât ăp nău kan tuch tăm- mât bri tâm rgop nâp nâl n’hanh mât klâp ma 500 rbăn ha bri hon êng geh rnoh khlăy âk. Nău kan RECAF mbra geh nsĭt tay nău geh ueh sŏng dăng an rlău 420 rbăn nuĭh ƀon lan n’hanh njêng ăp nău trĕ lam tât rlău 1 rkeh nuĭh dơn nău dơi geh , ntop mât đăp mpăn mô geh nuĭh nklơi tay ba kơi tâm ntrong kan rgâl mhe ueh nđir n’hanh hun hao nâp nâl.
Viết bình luận