VOV4.M’nông – Kêng măng 10/1, Công an n’gor Gia Lai ƀư rnê rhơn 35 nuĭh nsing nơm ntoh lư tâm ntrong leo lam ƀon lan mât rnă njrăng neh dak lvang 2020-2021. Năm bah năp Công an n’gor Gia Lai lĕ dơi ntop kơl bah rmôt nuĭh dơi nsing nơm tâm ƀon lan rnoi mpôl đêt. Na nê̆, lĕ geh rlău 3.000 nuĭh nsing nơm gĭt nu nău, nkoch trêng, rgŏ jă ƀon lan, pă an rlău 350 nău mbơh mhe.

35 nuĭh dơi nsing nơm ntoh lư lĕ dơi sŏk bằng khen

Tă bah nĕ, rmôt nuĭh dơi nsing nơm tâm ƀon lan rnoi mpôl đêt ta Gia Lai lĕ ndrel đah rmôt rnă njrăng n’hanh n’gâng kan ƀon lan râng nkoch trêng, rgŏ jă ƀon lan tĭng trong, nău ntrŭnh bah Đảng, nău kơl, pháp luật bah Ngih dak; rgŏ jă ƀon lan nkual n’har bri mât njrăng trong, n’gâng ntăm, n’hŭch hăn du dak bah dih mô tâm di; nkoch trêng nuĭh ƀon lan mât ăp nău way uĕh ơm, dah rŏng ŭch tĭng nău uĕh lăng.

Nŭih blang: Y Sưng Phê Ja