Ƀư tay bôk nău kan rơh rƀŭn nchră tal 4, Quốc hội khóa 15, nar naơ 3/11, Quốc hội ƀư tay rơh rƀŭn nchră n’hanh ơh nău kruanh n’gâng kan rdâk njêng Nguyễn Thanh Nghị. Nkre lah geh nău ôp kruanh n’gâng kan Thông tin n’hanh truyền thông Nguyễn Mạnh Hùng mpeh trong kan mât uănh rnoh mbrô điện thoại, rmal njrăng nău sim mô bmơh dăn dŏng, rdâk njêng n’gâng kan wăng sa mbrô, n’gâng kan rnoh mbrô.

Ta meng rơh kan Quốc hội, ăp đại biểu ŭch, n’gâng kan thông tin n’hanh truyền thông mbra geh du trong kan rdâk njêng ndơ dŏng ntung trong kơl an trong kan rdâk njêng nău rêh jêng rnoh mbrô, n’gâng kan rnoh mbrô. Ngăn lah trong kan rgâl mhe rnoh mbrô, dŏng công nghệ mbơh tơih nău mhe an nkual njônh ngai, nkual rnoi đê̆ lah ê hŏ geh di ngăn ngên đŏng. ăp đại biểu lĕ dŭt knơm kâp kruanh n’gâng kan thông tin n’hanh truyền thông mbra geh trong kan gay ma rgâl nkra, ƀư mhe n’hanh rdâk njêng ndơ dŏng rnoh mbrô bâh Việt Nam.