VOV4.M'nông: Tâm 2 nar (29-30/9), Hội Cựu chiến binh n'gor Dak Lak ƀư đại hội đại biểu tâl 7, năm kan 2022-2027. Ntŭk ntoh lư bah nău kan Hội năm kan rlău aơ lah rgum ăp tơm ndơ gay ntop kơl rlău 1.700 rnăk tahen ơm klaih rlău ach o, hun hao wăng sa. Lah ntŭk dơi nsing nơm đă manh tơm prăk kơl, ăp gưl Hội Cựu chiến binh ta n'gor dôl mât bơi 30 rbăn rnăk manh tơm prăk lĕ rngôch tơm prăk geh n'gluh an manh 1.100 rmen prăk, nta joi nău kan an hang rbăn nuĭh kan n'hanh oh kon; rdâk njêng tơm prăk nkrem êng tâm mpôl geh bơi 92 rmen prăk, ŭanh khlay ntik hvi n'hanh pơk tay âk trong ntĭt leo tahen ơm wăng sa jăp blău, tăch rgâl nsĭt nău geh âk.

Tâm năm kan mhe, đah nău ntroh lah "Du nuih n'hâm tĭng- Tâm rnglăp- Ntĭt leo lor- Rgâl mhe", Hội Cựu chiến binh n'gor Dak Lak ndơ̆ luh rnoh tât kan ăp năm ƀư ntơm bah 1-2 trong ntĭt leo tahen ơm ƀư njêng, tăch rgâl jăp blău, geh ndơ ƀư rdâk njêng ƀon lan mhe, nkual ƀon têh kloh uĕh, râng mât đăp mpăn rnă njrăng, đăp mpăn hăn ntung trong n'hanh pơk hvi ăp trong ntĭt leo câu lạc bộ tahen ơm mât njrăng ntŭk gŭ rêh ta ntŭk./.

VOV Tây Nguyên

Nuĭh rblang: Điểu Thân