VOV4.M’nông: Bah năp nau bri dôl geh bu lơh khuch hô, tâm âk nau ntruưnh bah pháp luật, ntrong kan, nau kơl an aơ mô geh tâm di ma nau ndăn, n’gor Dak Lak mhe njoăl nau đă rgâl nkra du đê̆ luật, nau ntrŭnh gay ma n’hao nau mât, hun hao bri tâm nkuăl. Ăp nau đă dơi geh UBND n’gor Dak Lak ntoh luh tâm nar pah kan mhe aơ đah rnâng kan rđau kan tơm bah n’gor ndrel rđau kan N’gâng kan tuch tăm ndrel hun hao ƀon lan. Tĭng UBND n’gor Dak Lak, tơm prăk mât njrăng bri tĭng nau ntrŭnh mrô 38 năm 2016 bah Thủ tướng Chính phủ ntrŭnh rnoh kơl an 300 rbăn/ha/năm lah dêh ir rđil nau ŭch ngăn, mô đăp mpăn tâm nau mât njrăng bri. Dak Lak đă N’gâng kan tuch tăm ndrel hun hao ƀon lan kơl mbơh ân Chính phủ n’hao rnoh kơl an 1,3 rkeh/ha/năm. N’gor Dak Lak kŏ năl, rmôt mât njrăng bri rnôk aơ mô tŏng ndrel geh âk nau kol tâm nau kan, ƀư jêr nau mât njrăng bri. Dak Lak đă Chính phủ geh nau ntrŭnh nau dơi tâm nau mât njrăng bri ndrel rmôt ƀư nau kan mât njrăng bah ăp tơm mât gay ma n’hao nau dơi tâm nau mât njrăng./.

Nŭih rblang: H’Thi