Di nkah 79 năm Nar tahen khĭt, tahen sôt rmanh (27/7), UBND n’gor Dak Lak hŏ ƀư âk rmôt hăn khâl, bonh đă ndrel pă nklâm ndơ khlay ngăn ân ăp nŭih geh kơl an tâm lam n’gor. Rnôk aơ, n’gor sŏk dŏng tă bah tơm prăk n’gor rlau 21,5 rmen gay pă ân bơi tât 36 rbăn nklâm ndơ tât ăp tahen sôt rmanh, băl mpôl rnăk tahen khĭt, Mẹ Việt Nam janh dăng, nŭih janh dăng tâm rmôt tahen ƀon lan ndrel nŭih geh n’hâm ma cách mạng.

Ndrel ma nê, Kruanh dak kŏ njoăl pă nklâm ndơ ân 27.200 rnăk vâl geh dơi kơl tâm Dak Lak đah rnoh prăk rlau 8,22 rmen, n’hao rnoh prăk mât chăm tâm rnôk aơ hao bơi tât 30 rmen. Rnôk aơ, n’gor Dak Lak dôl mât rlau 128 rbăn săm ƀŭt dơi geh kơl an, geh bơi tât 94 rbăn săm ƀŭt nŭih geh n’hâm ndrel băl mpôl rnăk vâl, đah 34 rbăn săm ƀŭt geh nau dơi kơl êng êng đŏng./.