Lơ 20/7, tâm Phường Tuy Hoà, Uỷ ban MTTQ Việt Nam n’gor Dak Lak hŏ ƀư nau rƀŭn lôch Bôk nau kan ndâk 475 ngih kơl an tâm rnglăp tă bah tơm prăk kơl an 38 rmen bah nkuăl ƀon têh Đồng Nai, ăp rmôt kan tăch rgâl ndrel tahen Biên phòng. Rnôk aơ, n’gor Dak Lak rgŏ jă Bôk nau kan kơl an ndâk tay 300 ngih tâm kơl an pă ân rnăk ach o, êp ach o. Tơm prăk geh sŏk tă bah nau kơl an bah Tổng Bí thư, Kruanh dak Tô Lâm pă ân tơm prak ‘Kơl an nŭih ach o” n’gor.

Ăp ngih mra geh ndơn rnoh kơl an 80 rkeh prăk. Gay n’huch nau mbăk jâk ân tơm prăk đor lor ân ăp rnăk, nkuăl mra nchrăp rgum tay nau rgop kơl an bah băl mpôl, ntŭk kan tăch rgâl ndrel ƀon lan. Bôk nau kan geh nau khlay, njêng nâp, kơl an ăp rnăk geh nau rêh jêr jŏt geh nau đăp mpăn gŭ âm, pah kan, rgop nau ntrŭt ngăch nkô̆ nau jut lơi ngih truh sat, ngih mô nâp tâm lam n’gor./.