Rƀŏng tât nkah gĭt 79 năm Nar Tahen sôt rmanh-Tahen khĭt kăl e (27/7), ôi aơ (23/7), ta Hà Nội, N’gâng kan Nội vu-Thương binh n’hanh Xã hội ƀư tơm, tâm rgop đah ăp ngih pah kan geh tât ƀư Rƀŭn nchră rnê rhơn nuĭh geh soan đah cách mạng lam dak năm 2026.

Rlău 300 đại biểu nuĭh geh soan ntoh lư ntoh măt an hăng rkeh tahen sôt rmanh, tahen kop ji, rnăk wâl tahen khĭt kăl e n’hanh nuĭh geh soan ta lam Neh dak râng rƀŭn nchră. Aơ lah ăp nuĭh ueh ang đah nuih n’hâm hao prêh, rgop uĕh tay an nău kan ndâk njêng, hun hao neh dak n’hanh mât njrtăng Neh dak tâm rơh mhe. Rƀŭn nchră lah ri an Đảng, Ngih dak n’hanh nuĭh ƀon lan mpơl nuih n’hâm nkah gĭt dŭt n’hâm đah ăp n’hâm soan, roh hoach têh kuăng bah ăp tahen khĭt janh dăng, tahen sôt rmanh. Tă  bah nĕ ƀư dŭt n’hâm ƀư tĭng săk rnglăy ăp nău kơl rsơl plơng đah ăp rnăk wâl dơi kơl.