Kêng măng 28/9, Viettel Dak Lak kan nsum đah Sở Giáo dục n’hanh Đào tạo, Hội khuyến học n’gor Dak Lak ƀư  bôk nău kan kơl an học bổng “Yor an oh jăp gơih nti” năm nti 2023-2024. Học bổng bah bôk nău kan hŏ dơi ndơ̆ kơl an 610 kon se nti ta 61 xã mpeh 11 nkuâl ta n’gor Dak Lak, ăp nklâm 2 rkeh prăk, lĕ rngôch rnoh âk học bổng lah 1 rmen 220 rkeh prăk.

Tĭng wa Phạm Đăng Khoa, Giám đốc Sở Giáo dục n’hanh Đào tạo n’gor Dak Lak, bôk nău kan học bổng “Yor an oh jăp gơih nti” dơi Vietttel Dak Lak kơl an kon se nti Dak Lak bah năm 2014. Rlău 9 năm hŏ geh 4.380 nklâm học bổng hŏ dơi kơl an, lĕ rngôch tơm prăk ƀư 5 rmen 600 rkeh prăk. Ăp nklâm học bổng hŏ rgop kơl hang rbăn kon se nti jêr jŏt jăp gơih nti ta Dak Lak tĭng ƀư nău wơl geh hăn nti./.