Ta xă Ea Drông, nkual têh Buôn Hồ mhe ƀư ntơm ndâk ƀư ăp jay bôk năp, mpeh tâm 1 tâm 4 nău rgop an tâm nchră jŭt ngih rông mpông sat ta n’gor Dak Lak. Jay mhe dơi ƀư lah ndơ ƀư bôk năp mpeh Nău rgop an tâm nchră 214 mpeh jŭt ngih rông mpông sat yor rnâng kan N’gor ủy n’hanh UBND n’gor Dak Lak jao an Công an n’gor ƀư tơm. Jay ndâk ƀư an rnăk wa Y Thăn Ksơr, ta ƀon Kmiên, xă Ea Drông. Yuh H En Niê, kon bu ur wa Y Thăn an gĭt:

Băng: Bơ̆ gâp kop ji lĕ 8 năm aơ, mê̆ gâp knŭng gŭ ta jay mât uănh bơ̆. 2 hê ur sai gâp ƀư mir, kâp hăn kan bu, bu kuăl gay geh tay prăk ngêt sa tâm wâl. Jay lĕ sat, aƀaơ dơi ntop kơl ƀư mhe, bôl jêt yơn dŭt khlay, dơi nkŭm mih, nkŭm sial jêng mpôl hên dŭt rhơn, dŭt răm.

Bôk nău rgop an tâm nchră 214 ma n’gor jao an công an n’gor ƀư, mbra ndâk ƀư 4.285 mlâm jay đah dĭng lĕ rlău 342 rmen prăk; rnoh ntop kơl du mlâm jay 80 rkeh prăk. 3 bôk nău rgop an tâm nchră êng mbra ndâk ƀư 1.120 mlâm jay tâm năm 2025.